অম্বাস্তোত্রম্

.. অম্বাস্তোত্রম্ – স্বামী বিবেকানন্দ..

           .. অম্বাস্তোত্রম্ ..

কা ত্বং শুভকরে সুখদুঃখহস্তে
      আঘূর্ণিতং ভবজলং প্রবলোর্মিভঙ্গৈঃ .
শাংতিং বিধাতুমিহ কিং বহুধা বিভগ্নাম্
      মতঃ প্রযত্নপরমাসি সদৈব বিশ্বে ..
সংপাদযত্যবিরতং ত্ববিরামবৃতা
      যা বৈ স্থিতা কৃতফলং ত্বকৃতস্য নেত্রী .
সা মে ভবত্বনিদিনং বরদা ভবানী
      জানাম্যহং ধ্রুবমিদং ধৃতকর্মপাশা ..
কো বা ধর্মঃ কিমকৃতং ক্বঃ কপাললেখঃ
      কিংবাদৃষ্টং ফলমিহাস্তি হি যাং বিনা ভোঃ .
ইচ্ছাপাশৈর্নিযমিতা নিযমাঃ স্বতংত্রৈঃ
      যস্যা নেত্রী ভবতি সা শরণং মমাদ্যা ..
সন্তানযন্তি জলধিং জনিমৃত্যুজালম্
      সংভাবযন্ত্যবিকৃতং বিকৃতং বিভগ্নম্ .
যস্যা বিভূতয ইহামিতশক্তিপালাঃ
      নাশ্রিত্য তাং বদ কুত শরণং ব্রজামঃ ..
মিত্রে রিপৌ ত্ববিষমং তব পদ্মনেত্রম্
      স্বস্থে দুঃস্থে ত্ববিতথং তব হস্তপাতঃ .
মৃত্যুচ্ছাযা তব দযা ত্বমৃতঞ্চ মাতঃ
      মা মাং মুঞ্চন্তু পরমে শুভদৃষ্টযস্তে ..
ক্বাংবা সর্বা ক্ব গণনং মম হীনবুদ্ধেঃ
      ধত্তুং দোর্ভ্যামিব মতির্জগদেকধাত্রীম্ .
শ্রীসঞ্চিন্ত্যং সুচরণমভযপতিষ্ঠম্
      সেবাসারৈরভিনুতং শরণং প্রপদ্যে ..
যা মামা জন্ম বিনযত্যতিদুঃখমার্গৈঃ
      আসংসিদ্ধেঃ স্বকলিতৈর্ল্ললিতৈর্বিলাসৈঃ .
যা মে বুদ্ধিং সুবিদধে সততং ধরণ্যম্
      সাংবা সর্বা মম গতিঃ সফলে ফলে বা ..