মংগলস্তোত্র

.. ঋণমোচকমঙ্গলস্তোত্রম্ ..
শ্রীগণেশায নমঃ||
মঙ্গলো ভূমিপুত্রশ্চ ঋণহর্তা ধনপ্রদঃ |
স্থিরাসনো মহাকযঃ সর্বকর্মবিরোধকঃ || ১||
লোহিতো লোহিতাক্ষশ্চ সামগানাং কৃপাকরঃ |
ধরাত্মজঃ কুজো ভৌমো ভূতিদো ভূমিনন্দনঃ || ২||
অঙ্গারকো যমশ্চৈব সর্বরোগাপহারকঃ |
ব্রুষ্টেঃ কর্তাঽপহর্তা চ সর্বকামফলপ্রদঃ || ৩||
এতানি কুজনামনি নিত্যং যঃ শ্রদ্ধযা পঠেত্ |
ঋণং ন জাযতে তস্য ধনং শীঘ্রমবাপ্নুযাত্ || ৪||
ধরণীগর্ভসম্ভূতং বিদ্যুত্কান্তিসমপ্রভম্ |
কুমারং শক্তিহস্তং চ মঙ্গলং প্রণমাম্যহম্ || ৫||
স্তোত্রমঙ্গারকস্যৈতত্পঠনীযং সদা নৃভিঃ |
ন তেষাং ভৌমজা পীডা স্বল্পাঽপি ভবতি ক্বচিত্ || ৬||
অঙ্গারক মহাভাগ ভগবন্ভক্তবত্সল |
ত্বাং নমামি মমাশেষমৃণমাশু বিনাশয || ৭||
ঋণরোগাদিদারিদ্রযং যে চান্যে হ্যপমৃত্যবঃ |
ভযক্লেশমনস্তাপা নশ্যন্তু মম সর্বদা || ৮||
! অতিবক্ত্র দুরারার্ধ্য ভোগমুক্ত জিতাত্মনঃ |
তুষ্টো দদাসি সাম্রাজ্যং রুশ্টো হরসি তত্খ্শণাত্ || ৯||
বিরিংচিশক্রবিষ্ণূনাং মনুষ্যাণাং তু কা কথা |
তেন ত্বং সর্বসত্ত্বেন গ্রহরাজো মহাবলঃ || ১০||
পুত্রান্দেহি ধনং দেহি ত্বামস্মি শরণং গতঃ |
ঋণদারিদ্রযদুঃখেন শত্রূণাং চ ভযাত্ততঃ || ১১||
এভির্দ্বাদশভিঃ শ্লোকৈর্যঃ স্তৌতি চ ধরাসুতম্ |
মহতিং শ্রিযমাপ্নোতি হ্যপরো ধনদো যুবা || ১২||