শনিবজ্রপংজরকবচম্

.. শনিবজ্রপংজরকবচম্ ..
শ্রী গণেশায নমঃ ||
নীলাম্বরো নীলবপুঃ কিরীটী গৃধ্রস্থিতস্ত্রাসকরো ধনুষ্মান্ |
চতুর্ভুজঃ সূর্যসুতঃ প্রসন্নঃ সদা মম স্যাদ্ বরদঃ প্রশান্তঃ || ১||
ব্রহ্মা উবাচ ||
শৃণুধ্বমৃষযঃ সর্বে শনিপীডাহরং মহত্ |
কবচং শনিরাজস্য সৌরেরিদমনুত্তমম্ || ২||
কবচং দেবতাবাসং বজ্রপংজরসংজ্ঞকম্ |
শনৈশ্চরপ্রীতিকরং সর্বসৌভাগ্যদাযকম্ || ৩||
৐ শ্রীশনৈশ্চরঃ পাতু ভালং মে সূর্যনন্দনঃ |
নেত্রে ছাযাত্মজঃ পাতু পাতু কণৌং যমানুজঃ || ৪||
নাসাং বৈবস্বতঃ পাতু মুখং মে ভাস্করঃ সদা |
স্নিগ্ধকণ্ঠশ্চ মে কণ্ঠং ভুজৌ পাতু মহাভুজঃ || ৫||
স্কন্ধৌ পাতু শনিশ্চৈব করৌ পাতু- শুভপ্রদঃ |
বক্ষঃ পাতু যমভ্রাতা কুক্ষিং পাত্বসিতস্তথা || ৬||
নাভিং গ্রহপতিঃ পাতু মন্দঃ পাতু কটিং তথা |
ঊরূ মমান্তকঃ পাতু যমো জানুযুগং তথা || ৭||
পদৌ মন্দগতিঃ পাতু সর্বাংগং পাতু পিপ্পলঃ |
অংগোপাংগানি সর্বাণি রক্ষেন্ মে সূর্যনন্দনঃ || ৮||
ইত্যেতত্ কবচং দিব্যং পঠেত্ সূর্যসুতস্য যঃ |
ন তস্য জাযতে পীডা প্রীতো ভবতি সূর্যজঃ || ৯||
ব্যয- জন্ম- দ্বিতীযস্থো মৃত্যুস্থানগতোঽপি বা |
কলত্রস্থো গতো বাঽপি সুপ্রীতস্তু সদা শনিঃ || ১০||
অষ্টমস্থে সূর্যসুতে ব্যযে জন্মদ্বিতীযগে |
কবচং পঠতে নিত্যং ন পীডা জাযতে ক্বচিত্ || ১১||
ইত্যেতত্কবচং দিব্যং সৌরের্যন্নির্মিতং পুরা |
দ্বাদশাঽষ্টমজন্মস্থদোষান্নাশযতে সদা |
জন্মলগ্নস্থিতান্ দোষান্ সর্বান্নাশযতে প্রভুঃ || ১২||
|| ইতি শ্রী ব্রহ্মাণ্ডপুরাণে ব্রহ্ম- নারদসংবাদে
শনিবজ্রপংজরকবচম্ সম্পূর্ণম্ ||